Денсаулық сақтау ұйымдарындағы «well-being» тұжырымдамасы: отандық корпоративтік мәдениетке енгізудің құқықтық тетіктері
Кілт сөздер:
well-being, әл-ауқат, денсаулық сақтау ұйымдары, корпоративтік мәдениет, медицина қызметкерлері, дәрігер.Аңдатпа
Мақала жаңа және тренд құбылысқа айналған еңбек қатынастары мен корпоративтік мәдениеттегі «Well-being» тұжырымдамасын зерттеуге арналған. Шет елдерде мұндай бағдарламаларды енгізу тәжірибелері қарастырылып, оның құқықтық қамтамасыз етілуіне ерекше назар аударылған.
Зерттеу шеңберінде осы тұжырымдаманы Қазақстан Республикасы денсаулық сақтау ұйымдарының корпоративтік мәдениетіне енгізу мүмкіндіктерін қарастыру міндеті қойылады. Медицина қызметкерлерінің ерекше орнын түсіне отырып, авторлар олар үшін қолайлы жағдайлар жасау мүмкіндігін зерттеген және оларға еңбек нарығындағы бәсекелестікте артықшылық беретін тәсілдерді ұсынады.
«Well-being» тұжырымдамасына қатысты ғылыми жұмыстарға шолу жасалынып, әдебиеттерге теориялық талдау жүргізілген. Аталған механизмді құқықтық имплементациялау мен нақты мақсатты аудиторияға қолдану мүмкіндіктері талқыланып, нәтижелері ұсынылған.
Авторлармен Қазақстан Республикасында алғашқы болып «Well-being» бағдарламалары көздейтін тәсілдердің тиімділігін дәлелдеу мен оны құқықтық қамтамасыз етудің жолын ұсыну түріндегі нәтиже беретін зерттеу жүргізуге ғылыми талпыныс жасалынған.
